Lion, Bear, and the Fox

Here is my glossed version of Lion, Bear, and the Fox, from Latin Via Fables. Since the glosses I've written (in parens) are meant to help my wife and myself, you might have to prepare more yourself. But you'll get the idea.

cum fortuito (id quod fortuito factum est forte factum est)
in hinnulum (hinnulus est cerva parva)
ursus ac leo
simul incidissent, (incidere est advenire et adpugnare)
ac uterque tenderet eo potiri, (tendere est conari) (potiri est habere et dominare; "potiri" casum ablativum gubernat)
tunc acerrime invicem coepere conflictari, (tenderet...coepere conflictari)
et unus alterum sic impetivit, (impetere est petere aut adpugnare)
ut, gravi vertigine oborta, (qui vertit et vertit habet vertiginem) (id quod obortum est fluit aut oritur)
uterque humi iaceret, (quod humi est in solo est)
expers virium. (expers virium = non vires habent)
vulpes,
hoc videns,
approximat
(spectaverat illa
haud hinc procul
pugnae exitum)
et hinnulum
mox e medio illorum
abripit.
quod cum illi cernerent
semiapertis oculis, (oculi sunt neque aperti neque clausi, immo sunt semi-aperti)
nec id valerent impedire,
ad invicem aiunt
"o nos miseros,
parumque providos,
vulpisne gratia
dimicando perimus?"
saepe alter alterius
fruitur laboribus.


And here is the original version (unsegmented and in a slightly harder word order):

Cum fortuito in hinnulum ursus ac leo
Simul incidissent, ac uterque tenderet
Eo potiri, tunc acerrime invicem
Coepere conflictari, et unus alterum
Sic impetivit, ut gravi vertigine
Oborta, humi iaceret expers virium
Uterque. Vulpes hoc videns, approximat
(Spectarat illa haud hinc procul pugnae exitum)
Et hinnulum mox e medio illorum abripit.
Quod semiapertis illi oculis cum cernerent,
Nec id valerent impedire, ad invicem
"O nos miseros," aiunt, "parumque providos,
Vulpisne dimicando perimus gratia?"
Saepe alter alterius fruitur laboribus.